Libro de los Estados
(1330)

Miguel Vicente Pedraz
Universidad de León

[Libro primero]

[Capitulo I]

Et el primer capitulo del primer libro es el Prologo, de commo don Iohan conpuso este libro et le enbia a don Iohan, arçobispo de Toledo, su cunnado, fijo del muy noble rey don Jaime de Aragon.

Hermano sennor don Iohan, arçobispo de Toledo: Yo, don Iohan, fijo del infante don Manuel, adelantado mayor de la frontera et del reyno de Murçia, me encomiendo en la vuestra gracia et en las vuestras santas oraciones.

Hermano sennor, vos sabedes que los tienpos et las cosas que en ellos acaesçen, mudan los fechos, et todos los philosofos et las prophetas et despues los sanctos, segunt las cosas que les acaesçieron en cada tienpo, asi dizian et fazian sus dichos et sus fechos. E avn todos los omnes en este nuestro tienpo de agora asi lo fazen, ca segunt les acaesçen en los fechos, asi an de fazer et de dezir. Et por esta manera oganno fiz vn libro, que vos envio, et fallaredes que lo demas es fecho segund las cosas que entonçe acaesçien o que eran acaesçidas. Et acaesçe que agora esto acaesçiere, commo dixo Boesço: "carmina qui quondam", et cetera.

Miguel Vicente Pedraz
Universidad de León
dmpmvp@unileon.es

© José Luis Gómez-Martínez
Nota: Esta versión electrónica se provee únicamente con fines educativos. Cualquier reproducción destinada a otros fines, deberá obtener los permisos que en cada caso correspondan.